Evangelium Secundum Lucam*
Caput 9: Versus 32
Gravati erant somno.Somno gravantur, quia splendore incomprehensibilis deitatis premitur sensus humani corporis. Vel somno gravantur, ut resurrectionis gloriam post corporis quietem viderent, et sancti eo verius majestatem Domini videbunt, quo carnis suae in qua mortem vicerant immortalitate gaudebunt. Tunc Moysen et Eliam speculabuntur in gloria, quia melius intelligent quomodounum iota aut unus apex non praeteribit a lege[Matth. 5.], et quomodo Dominus legem et prophetas non solverit, sed adimpleverit.